Senat geologııalyq barlaýǵa qatysty zańdy Májiliske qaıtardy

<p>Búgin Senattyń jalpy otyrysynda &laquo;Qazaqstan Respýblıkasynyń keıbir zańnamalyq aktilerine jer qoınaýyn paıdalaný jáne ekologııa máseleleri boıynsha ózgerister men tolyqtyrýlar engizý týraly&raquo; Zańy ekinshi oqylymda qaraldy. Senat zańnyń jekelegen baptaryn jańa redaktsııada usynyp, ony Májiliske qaıtardy, dep habarlaıdy <a href="Kazibform" target="_blank" rel="noopener">Kazibform</a>.</p>

Zańnyń maqsaty - jer qoınaýyn paıdalaný salasyndaǵy zańnamany jetildirý.

Qujat jer qoınaýyn paıdalaný boıynsha operatsııalardy júrgizý sharttaryn jaqsartýǵa baǵyttalǵan. Atap aıtqanda:

1) praktıkalyq geologııalyq barlaý jumystaryna jedel kóshýge;
2) barlyq múmkin bolatyn saraptamalardyń merzimin 8-12 aıǵa qysqartýǵa;
3) rásimder boıynsha ákimshilik kedergilerdi 2 eseden asa – 120 kúnnen 50 kúnge deıin azaıtylǵan ýaqytta joıýǵa;
4) geologııalyq barlaýdyń ınvestıtsııalyq tartymdylyǵyn arttyrýǵa múmkindik beredi.

«Zańdy Qazaqstan Respýblıkasy Parlamentiniń Senatynda qaraý barysynda geologııalyq barlaýǵa ınvestorlardy tartý maqsatynda jańa ken oryndary úshin KazRC halyqaralyq standarttaryn endire otyryp, 2024 jylǵy 1 qańtarǵa deıin jasalǵan jáne berilgen paıdaly qatty qazbalardy óndirýge arnalǵan kelisimsharttar men lıtsenzııalar úshin ǵana Paıdaly qazbalar qorlary jónindegi memlekettik komıssııanyń jumysyn saqtaý bóliginde túzetýler engizildi», - delingen Senattyń Ekonomıkalyq saıasat, ınnovatsııalyq damý jáne kásipkerlik komıtetiniń málimetinde.

Budan basqa:

- jer qoınaýyn zertteý jónindegi ýákiletti organnyń KazRC standarttaryna sáıkes daıyndalǵan esepterdi, ondaǵy resýrstar men qorlar 25 paıyzdan astamǵa azaıǵan kezde tekserý múmkindigin saqtaý;

- ýákiletti organnyń paıdaly qatty qazbalardyń ken oryndaryn barlaý boıynsha eń tómen talaptardy belgileýi;

- eseptilikte jer qoınaýy jáne jer qoınaýyn paıdalaný týraly málimetterdi jasyrǵan nemese jalǵan málimetterdi bergen adamdardyń jaýaptylyǵyn kúsheıtý boıynsha túzetýler engiziledi.