Senat Esep komıtetin Joǵary aýdıtorlyq palata etip qaıta qurý týraly qujatty qabyldady
Zań jobasy Memleket basshysynyń 2022 jylǵy 16 naýryzdaǵy «Jańa Qazaqstan: jańarý men jańǵyrý joly» atty Joldaýyn iske asyrý jónindegi Jalpyulttyq is-sharalar josparyna sáıkes ázirlendi.
«Zań jobasynyń maqsaty - Konstıtýtsııalyq sotty qurý, saılaý protsesin jańǵyrtý jáne Esep komıtetin Joǵary aýdıtorlyq palata retinde qaıta qurý bóligindegi saıası reformalardy tolyqqandy iske asyrýdy qamtamasyz etý. Jalpy, zań jobasy sheńberinde Ákimshilik quqyq buzýshylyq týraly kodeksiniń 15 babyna túzetýler engizý qarastyrylǵan. Zań jobasynda Esep komıtetiniń ataýyn Joǵary aýdıtorlyq palataǵa aýystyrý boıynsha naqtylaıtyn túzetýler kózdelgen», - dedi QR Ádilet mınıstri Qanat Mýsın.
Onyń aıtýynsha, depýtattyq korpýstyń bastamasy boıynsha Zań jobasyna Adam quqyqtary jónindegi ýákildiń óńirlerdegi ókilderiniń zańdy qyzmetine kedergi keltirgeni úshin ákimshilik jaýapkershilikti engizýdi kózdeıtin qosymsha túzetýler qarastyrylǵan.
Qujatta Konstıtýtsııalyq Sottyń tóraǵasyna nemese múshesine, Adam quqyqtary jónindegi ýákilge qatysty ákimshilik quqyq buzýshylyq týraly ister boıynsha is júrgizýdiń sharttary men tártibin aıqyndaý, Joǵary aýdıtorlyq palatanyń ákimshilik quqyq buzýshylyq týraly isterdi qaraýy kózdeledi.
Zań jobasynyń kútiletin nátıjeler - ákimshilik sot isin júrgizýdi júzege asyrý máseleleri boıynsha zańnamany jetildirý, ákimshilik ister boıynsha biryńǵaı sot praktıkasyn belgileý, saılaý protsesiniń ashyqtyǵyn arttyrý.