Senat elektrondyq pasporttar júıeler boıynsha Armenııaǵa qatysty qujatty qabyldady

NUR-SULTAN. QazAqparat – Parlament Senatynyń jalpy otyrysynda «2014 jylǵy 15 tamyzdaǵy Kólik quraly pasportynyń jáne ózdiginen júretin mashına jáne tehnıkanyń basqa da túrleri pasportynyń biryńǵaı nysandaryn engizý jáne elektrondyq pasporttar júıelerin uıymdastyrý týraly kelisimge Armenııanyń qosylýy týraly hattamany ratıfıkatsııalaý týraly» Zańy qabyldandy, dep habarlaıdy QazAqparat tilshisi.

Osy hattamamen Armenııa kelisimge qosylady jáne elektrondyq pasporttar júıesin engizý boıynsha mindettemeni ózine alady. Kelisim biryńǵaı keden aýmaǵynda kólik quraldarynyń, ózdiginen júretin mashınalardyń jáne tehnıkanyń basqa da túrleriniń erkin aınalysyn qamtamasyz etý úshin jaǵdaı jasaýǵa yqpal etedi.

«Sonymen qatar, qujat EAEO memleketteriniń aýmaǵynda óndirilgen jáne tirkeýge jatatyn kólik quraldary men tehnıkanyń basqa da túrlerine beriletin pasporttarynyń biryńǵaı ári onyń ishinde elektrondyq nysandaryn qoldaý máselelerin retteıdi. Osy kelisimdi iske asyrý maqsatynda Eýrazııalyq ekonomıkalyq komıssııasynyń 2015 jyldyń 22 qyrkúıegindegi sheshimimen elektrondyq pasporttar júıesiniń jumys isteý tártibi, sondaı-aq kólik quraldarynyń jáne tehnıkanyń basqa da túrleriniń elektrondyq pasporttaryn rásimdeý tártibi men qurylymy bekitildi», - QR Indýstrııa jáne ınfraqurylymdy damytý vıtse-mınıstri Amanııaz Erjanov.

Aıta keteıik, 2019 jylǵy 13 mamyrda QR Úkimetiniń qaýlysymen «Ulttyq aqparattyq tehnologııalar» AQ elektrondyq pasporttar júıesiniń ulttyq operatory bolyp anyqtaldy. Ol Qazaqstan aýmaǵynda júıeniń jumys isteýin ári júıeniń barlyq qatysýshylarynyń ózara is-qımylyn tolyq qamtamasyz etedi.