Senat EAEO kedendik shekarasy arqyly ótkizý pýnkteri qyzmetine qatysty qujatty maquldady

ASTANA. QazAqparat - Senatta «2014 jylǵy 29 mamyrdaǵy EAEO týraly shartqa Qyrǵyzstannyń qosylýyna baılanysty osy eldiń 2014 jylǵy 29 mamyrdaǵy EAEO týraly shartty, EAEO-nyń quqyǵyna kiretin jekelegen halyqaralyq sharttardy jáne EAEO organdarynyń aktilerin qoldanýy jónindegi jaǵdaılar men ótpeli erejeler týraly 2015 jylǵy 8 mamyrda qol qoıylǵan hattamaǵa ózgeris engizý týraly hattamany ratıfıkatsııalaý týraly» QR Zańy maquldandy, dep habarlaıdy QazAqparat tilshisi.

«Qyrǵyz Respýblıkasy Eýrazııalyq ekonomıkalyq odaqqa qosylýy týraly ótpeli erejelerge sáıkes, EAEO-nyń kedendik shekarasyndaǵy barlyq ótkizý pýnktterin 24 aı ishinde jaıǵastyrýdy jáne materıaldyq-tehnıkalyq jaraqtandyrýdy qamtamasyz etýge ózine mindetteme alǵan bolatyn. Qyrǵyz jaǵy atalǵan merzimde úlgermedi, osyǵan baılanysty Memleketterdiń basshylary 2018 jylǵy 14 mamyrda «24 aıdan» «48 aıǵa», ıaǵnı 2019 jylǵy 12 tamyzǵa deıin ózgeris engizý týraly Hattamaǵa qol qoıǵan bolatyn. Alaıda, kórsetilgen merzimder Qyrǵyzstan úshin jetkiliksiz boldy. Bul turǵyda 2019 jylǵy 29 mamyrda Memleket basshylarynyń Joǵary Eýrazııalyq ekonomıkalyq keńes otyrysy aıasynda «48 aıdan» «72 aıǵa», ıaǵnı 2021 jylǵy 12 tamyzǵa deıin ózgeris engizý týraly hattamaǵa qol qoıyldy», - dedi QR Premer-Mınıstriniń orynbasary – Qarjy mınıstri Erulan Jamaýbaev.

Sonymen qatar, qyrǵyz jaǵy mindettemelerin osy merzimde de oryndaı almady.

«Osy oraıda 2022 jylǵy 19 sáýirde «72 aıdan» «96 aıǵa», ıaǵnı 2023 jylǵy 12 tamyzǵa deıin ózgeris engizý týraly hattamaǵa qol qoıyldy. Bul hattamany ratıfıkatsııalaý elimiz úshin áleýmettik-ekonomıkalyq jáne quqyqtyq saldarlarǵa ákep soqpaıdy jáne respýblıkalyq bıýdjetten qarajat bólýdi talap etpeıdi», - dedi mınıstr.