Senat EAEO aýmaǵynda sapasyz ónimge jol bermeýge baǵyttalǵan qujatty qabyldady

ASTANA. QazAqparat – Búgin Senattyń jalpy otyrysynda «Eýrazııalyq ekonomıkalyq odaqtyń tehnıkalyq reglamentteri talaptarynyń saqtalýyna memlekettik baqylaýdy EAEO-ǵa múshe memleketterdiń kórsetilgen saladaǵy zańnamasyn úılestirý maqsatynda júzege asyrý qaǵıdattary men tásilderi týraly kelisimdi ratıfıkatsııalaý týraly» Zań qabyldandy, dep habarlaıdy QazAqparat tilshisi.

«Bul kelisimdi bekitý Eýrazııalyq ekonomıkalyq odaq týraly sharttyń 53-babynda tikeleı kózdelgen. Qujatta baqylaý organdarynyń ózara is-qımyly, saýdada kedergiler jasaýǵa jol bermeý maqsatynda memlekettik baqylaý nátıjelerimen kelispegen kezde daýlardy qaraý tártibi, sondaı-aq aqparattyq júıe arqyly ózara is-qımyl jasaý qarastyrylǵan», - dedi QR Premer-Mınıstriniń orynbasary–Saýda jáne ıntegratsııa mınıstri Serik Jumanǵarın.

Onyń aıtýynsha, qujatty ratıfıkatsııalaý talaptarǵa sáıkes kelmeıtin ónimniń taralýyna jol bermeýge baǵyttalǵan.

«Kelisimde qoldanystaǵy zańnamanyń barlyq talaptary eskerilgen. Osy oraıda qujattyratıfıkatsııalaý Qazaqstan Respýblıkasynyń zańdaryna ózgerister engizýge alyp kelmeıdi», - dedi mınıstr.