Senat EAEO aýmaǵynda elektrondy nysandaǵy qyzmetter naryǵyna qatysty zańdy maquldady

<p>ASTANA. KAZINFORM &ndash; Búgin Senatyń jalpy otyrysynda &laquo;2014 jylǵy 29 mamyrdaǵy Eýrazııalyq ekonomıkalyq odaq týraly shartqa elektrondyq nysanda qyzmetter kórsetý kezinde janama salyqtar alý tártibin aıqyndaý bóliginde ózgerister engizý týraly hattamany ratıfıkatsııalaý týraly&raquo; Zańy maquldandy.</p>

Eýrazııalyq ekonomıkalyq odaqqa múshe memleketterdiń basshylary 2022 jylǵy 9 jeltoqsanda Bishkek qalasynda hattamaǵa qol qoıdy.

«Hattamany ratıfıkatsııalaý Eýrazııalyq ekonomıkalyq odaqqa múshe memleketterdiń aýmaǵynda elektrondy nysanda kórsetiletin qyzmetter naryǵyn damytýǵa jáne tutyný orny boıynsha salyq esebine qoıýdy ońaılatý, olarǵa qosylǵan qun salyǵyn tóleý tetigin engizýge yqpal etetin bolady. Qazirgi kezde hattamany ratıfıkatsııalaý týraly Zań «Qazaqstan Respýblıkasynyń halyqaralyq sharttary týraly» Zańyna sáıkes barlyq qajet saraptamadan ótti, «Atameken» ulttyq kásipkerler palatasymen jáne saraptama keńesiniń múshelerimen kelisildi», - dedi senator Bekbolat Orynbekov.

Zańnyń negizgi mindeti - Eýrazııalyq ekonomıkalyq odaq ishinde de, úshinshi eldermen de qosymsha qun salyǵyn tóleýdiń ashyq jáne aıqyn tetigi bar salyq salýdyń teń jaǵdaılaryn jasaý, salyq salasyndaǵy ákimshilendirýdi jeńildetý, sondaı-aq elektrondy qyzmetterdi iske asyrý salasynda bıznesti júrgizý.

«Eýrazııalyq ekonomıkalyq odaqqa múshe memleketter salyq organdarynyń resmı saıttarynda elektrondy nysanda qyzmetter kórsetetin uıymdardyń tizimi ornalastyrylady, bul uıymdarǵa salyq salasyndaǵy ákimshilendirý jeńildetiledi. Hattamany ratıfıkatsııalaý EAEO-ǵa múshe memleketter bıýdjetteriniń qajettilikterin qamtamasyz etýge, ekonomıkalyq konıýnktýrany jaqsartýǵa, elektrondyq nysanda qyzmetter kórsetetin kásiporyndardyń tabystylyǵyn arttyrýǵa jáne túpki nátıjesinde - Eýrazııalyq ekonomıkalyq odaqqa múshe memlekettermen qosa, basqa da elder arasyndaǵy yntymaqtastyqty nyǵaıtýǵa yqpal etedi. Sonymen qatar, qosymsha qun salyǵyn tóleý ornyn belgileý jónindegi daýlardy boldyrmaýǵa, respýblıkalyq bıýjdetke 20 mlrd teńgeden astam qosymsha qarajat túsýge septigin tıgizedi. Qujat teris áleýmettik-ekonomıkalyq jáne quqyqtyq saldarǵa ákelmeıdi, qosymsha qarjy shyǵyndaryn talap etpeıdi», - dedi senator.