Senat depýtaty KEGOC pen «Samuryq-Energony» mınıstrlik qaramaǵyna berýdi usyndy

NUR-SULTAN. QazAqparat – QR Parlamenti Senatynyń depýtaty, ekonomıkalyq saıasat, ınnovatsııalyq damý jáne kásipkerlik komıtetiniń múshesi Súıindik Aldashev «Samuryq-Energo», KEGOC kompanııalaryn Energetıka mınıstrliginiń qaramaǵyna berýdi usyndy, dep habarlaıdy QazAqparat tilshisi.

QR Parlamenti Senatynda ótken dóńgelek ústelde eldegi eń iri energetıkalyq kompanııalardy qaıta qurylymdaý usynyldy.

«Bizde elektr energetıkasy salasyndaǵy taýarlar men qyzmetterdi memlekettik satyp alýlardyń ashyq bolmaý problemasy bar. Esep komıtetiniń dereginshe, 2017-2019 jyldary KEGOC AQ satyp alǵan taýarlar men qyzmetteri 74 paıyzy básekege qabiletti emes tásildermen iske asyrylǵan. Osy aıtylǵandardyń negizinde elektr energetıkasy salasyn basqarýdyń tıimsiz modeli qalyptasqanyn málim etýge bolady. Bul problemalardyń bári jyldar boıy qordalanǵan jáne tıisti sheshimin taba alǵan joq. Negizgi qordyń aıtarlyqtaı tozýy, qýattyń jetkilikti júktelmeýi jáne energetıkalyq kásiporyndardyń orasan shyǵyny sııaqty máselelerdiń sheshimin tappaýy tutynýshylar úshin baǵanyń ósýi túrinde ǵana kórinis taýyp otyr. ıAǵnı, halyqtyń, zańdy tulǵalar men bıýdjet esebinen ǵana sheshilip keledi», -dedi senator.

Onyń aıtýyna qaraǵanda, bul problemalardy túbirimen joıý úshin Energetıka mınıstrligine tez arada elektr energetıkasy salasyn sapaly reformalaý qajet.

«Birinshi – Energetıka mınıstrliginiń rólin arttyra otyryp, salany basqarý júıesin qurylymdyq turǵyda túrlendirý kerek. «Samuryq-Energo» jáne «KEGOK» AQ-ny biryńǵaı ulttyq retteýshi retinde Energetıka mınıstrliginiń qaramaǵyna berý qajet. Bul jerde «KEGOK» AQ-nyń fýnktsııalaryn qaıta qarap, ony energııa berýshi uıym retinde qurylymdap, ózine tán emes fıýnktsııalardan bosatý kerek. Bul Memleket basshysynyń «Samuryq-Qazyna» qoryn reformalaý týraly tapsyrmalarymen sáıkes keledi», - dedi Senat depýtaty.