Senat depýtattyǵyna kandıdattarǵa bıýdjetten qansha qarjy bólinedi
«QR-daǵy Saılaý týraly» Konstıtýtsııalyq zańnyń 28-baby 3-tarmaǵyna sáıkes, memleket Senat depýtattyǵyna saılanatyn kandıdattarǵa óz baǵdarlamalarymen BAQ-qa shyǵý úshin qarajattyń bólinýine kepildik beredi. Kandıdattarǵa BAQ-qa shyǵý úshin qarajat bólý kólemin Ortalyq saılaý komıssııasy aıqyndaıdy. OSK-niń 2018 jylǵy 28 tamyzdaǵy Kandıdattarǵa BAQ-qa shyǵý úshin qarajat bolý qaǵıdalary men kólemderi týraly №12-202 qaýlysyna sáıkes, teledıdardan 15 mınýt, radıodan 10 mınýt, merzimdi basylymdarda nemese jelilik basylymdarda 0,1 baspa tabaqtan aspaıtyn kólemde 2 maqala jarııalaý úshin birdeı qarajat bólý kózdelgen. Sondaı-aq «QR-daǵy saılaý týraly» Konstıtýtsııalyq zańnyń 33-baby 2-tarmaǵyna sáıkes, respýblıkalyq bıýdjet qarajatynan OSK belgilengen mólsherde kandıdattardyń saılaý aldyndaǵy kópshilik sharalaryn ótkizýge, úgit materıaldaryn shyǵarýǵa, kólikke jumsaıtyn shyǵystary jabylady», - dedi ol búgin komıssııa otyrysynda.
Osyǵan oraı onyń atap ótýinshe, kandıdattardyń respýblıkalyq bıýdjet qarajatynan jabylatyn shyǵystarynyń mólsherin belgileý týraly OSK qaýlysynyń jobasy daıyndalǵan.
«Senat depýtattyǵyna saılanatyn kandıdattardyń shyǵystar mólsheri 550 myń teńge shamasynda belgilenip otyr. Baǵdarlamany teledıdar, radıo arqyly baıandaý jáne merzimdi baspasóz basylymdarynda 2 materıal jarııalaý 400 myń teńge somasynda, saılaý aldyndaǵy jarııa is-sharalardy jáne úgit materıaldaryn shyǵarýǵa 70 myń teńge somasynda, kóliktik shyǵystarǵa 80 myń teńge somasynda bolady», - dedi Sábıla Mustafına.