Senat depýtattaryna memlekettik nagradalar tapsyryldy

NUR-SULTAN. QazAqparat –Senat tóraǵasy Darıǵa Nazarbaeva bir top qyzmetkerlerge memlekettik marapattardy tabys etti, dep habarlaıdy QazAqparat Senattyń baspasóz qyzmetine silteme jasap.

Qazaqstan Prezıdentiniń Jarlyǵymen memleketke sińirgen eńbegi úshin Parlament Senatynyń depýtaty Tóleýbek Muqashev ІІІ dárejeli «Barys» ordenimen marapattaldy. Senat depýtattary Murat Baqtııaruly, Ǵumar Dúısembaev, Manap Kóbenov, Marat Taǵymov jáne Senat Apparatynyń basshysy Serik Sydyqovtyń eńbekterine oraı «Parasat» ordeni berildi.

Parlamentaralyq Assambleıa qyzmetine belsendi qatysqany úshin TMD Parlamentaralyq Assambleıasynyń qaýlysymen senatorlar Vladımır Volkov pen Erbolat Muqaev «Dostastyq» ordenimen marapattaldy. Senat depýtattary Serik Bekturǵanov pen Álimjan Qurtaevqa «Parlamenttik yntymaqtastyqty nyǵaıtqany úshin» medali, Dáýren Ádilbekov, Nurlan Beknazarov, Abdaly Nuralıev, Nurjan Nursıpatovqa Qurmet gramotalary berildi.

Nurlan Beknazarov, Bekmyrza Elamanov, Manap Kóbenov, Baqtybaı Shelpekov, Dınar Nóketaeva, Rysqalı Ábdikerov pen Mıhaıl Bortnıkke Parlament Senaty Tóraǵasynyń Alǵys hattary men «Nur Otan» partııasynyń «Belsendi qyzmeti úshin» tósbelgileri tabys etildi.