Senat depýtattary reseılik áriptesterimen ózara yntymaqtastyq máselesin talqylady
Bul týraly QazAqparat QR Parlamenti Senatynyń baspasóz qyzmetine silteme jasap habarlaıdy.
Otyrysty ashqan Senat tóraǵasy Máýlen Áshimbaev eki el arasyndaǵy yntymaqtastyqty odan ári nyǵaıtý úshin Parlamentterdiń ózara jumysyn odan ári jandandyrý mańyzdy ekenin aıtty.
Kezdesý barysynda depýtattar Qazaqstan-Reseı yntymaqtastyǵyn negizgi baǵyttar boıynsha damytý perspektıvalaryn talqylady. Onyń ishinde bilim berý, tranzıttik-kóliktik áleýet, óńiraralyq jáne shekara mańyndaǵy yntymaqtastyq máseleleri bar.
Komıssııa músheleri avtojol ınfraqurylymyn birlesip damytý isine de erekshe nazar aýdardy. Sondaı-aq shekaradaǵy ótkizý pýnktterin damytý, olardy zamanaýı ınspektsııalyq-tekserý keshenderimen jabdyqtaý jáne shekara mańyndaǵy ınfraqurylymdy jaqsartý máseleleri de nazardan tys qalǵan joq.
Komıssııanyń Qazaqstan tarapynan teń tóraǵasy, Senat vıtse-spıkeri Asqar Shákirov alda turǵan mindetterdi sapaly pysyqtaý úshin parlamentaralyq ózara is-qımyldy jan-jaqty damytýdyń mańyzdy ekenin tilge tıek etti. Óz kezeginde Federatsııa Keńesi tóraǵasynyń Birinshi orynbasary, Komıssııanyń Reseı tarapynan teń tóraǵasy Andreı ıAtskın áriptesterine birqatar ózekti máseleni jan-jaqty talqylaǵany úshin alǵysyn bildirip, barlyq saladaǵy ekijaqty yntymaqtastyqty ári qaraı damytý úshin belsendi jumys isteýge daıyn ekenin jetkizdi.
Foto: senate.parlam.kz