Senat depýtattary «Arselor Mıttaldyń» máselesi boıynsha Bas prokýratýraǵa saýal joldady
«Bizdiń ınvestorlarǵa nemese kásiporyndardyń basshylaryna qoıatyn eń negizgi talabymyzdyń biri – qaýipsizdik erejelerin saqtaý. «Arselor Mıttaldyń» kásipornynda buǵan deıin bolǵan apattarǵa qatysty prokýratýra organdary áreketsiz boldy dep oılamaımyn. Bálkim áreket etken shyǵar, ony biz bilmeıtin shyǵarmyz.
Biz sony bilý úshin saýal joldadyq. ıAǵnı, tıisti sharalar qabyldaýǵa tolyq negiz bar. Munda tek qylmystyq jaýapkershilik qana emes, sonymen qatar laýazymdy tulǵalardyń deńgeıine jáne olardyń fýnktsıonaldyq mindetterine baılanysty materıaldyq jaýapkershilik qarastyrylǵan. Bul jaýapkershiliktiń ártúrli deńgeıleri bolýy múmkin. Qazir tıisti organdar zańǵa sáıkes tergeý júrgizedi jáne sharalar qabyldaıdy»,- dedi Senat depýtaty.
Sondaı-aq, ol mundaı jaǵdaıda zań boıynsha kásiporyn basshylyǵy men quryltaıshysy qatar jaýapkershilik arqalaıtynyn atap ótti.
«Eń áýeli bul kompanııa basshylarynyń, ókilderiniń kinási bar ekenin, sondaı-aq oqıǵa saldaryna olardyń áreketi nemese áreketsizdigi qalaı áser etkenin anyqtaý kerek. Bizdiń tıisti organdardyń tergeýdi qalaı júrgizetinine jáne munyń bárin dáleldeı alatynyna kóp nárse baılanysty», - dedi Qaırat Qojamjarov.