Senat depýtattary Qazaqstan men Qytaıdyń yntymaqtastyǵy týraly zańyn talqylady

<p>ASTANA. KAZINFORM &ndash; Senattyń Konstıtýtsııalyq zańnama, sot júıesi jáne quqyq qorǵaý organdary komıtetiniń depýtattary keńeıtilgen otyrys ótkizdi. Onda Qazaqstan men Qytaıdyń yntymaqtastyǵyna qatysty zań talqylandy. Bul týraly QR Parlamentiniń Senaty baspasóz qyzmeti málim etti.&nbsp;</p>

«Zańnyń mindeti — eki el azamattarynyń quqyqtary men múddelerin qorǵaýdyń tıimdiligin arttyrý, sondaı-aq azamattyq jáne qylmystyq ister boıynsha quqyqtyq kómek kórsetý máseleleri boıynsha yntymaqtastyqty damytý», — delingen habarlamada. 

Qujatta Qazaqstan Respýblıkasynyń aýmaǵynda sheteldik sottardyń sheshimderi men ótinishterin oryndaý salasynda quqyqtyq kómek kórsetý jónindegi sot organdarynyń fýnktsııalaryn naqtylaý, sondaı-aq eki taraptyń quzyretti mekemelerine basymdyq berýi kózdelgen. 

«Depýtattar otyrys qorytyndysy boıynsha «1993 jylǵy 14 qańtardaǵy Qazaqstan Respýblıkasy men Qytaı Halyq Respýblıkasy arasyndaǵy Azamattyq jáne qylmystyq ister boıynsha quqyqtyq kómek kórsetý týraly shartqa ózgerister engizý týraly hattamany ratıfıkatsııalaý týraly» zańdy Palatanyń qaraýyna jiberý týraly sheshim qabyldady»,- dep jazdy Senattyń baspasóz qyzmeti.