Senat Bıýrosynda Parlamenttiń joǵarǵy palatasynyń jumysyn jaqsartý máseleleri talqylandy
Áleýmettik-mádenı damý jáne ǵylym komıteti «Eń tómen áleýmettik standarttar jáne olardyń kepildikteri týraly» jáne «Qazaqstan Respýblıkasynyń keıbir zańnamalyq aktilerine eń tómen áleýmettik standarttar jáne olardyń kepildikteri máseleleri boıynsha ózgerister men tolyqtyrýlar engizý týraly» zań jobalary boıynsha bas komıtet bolyp belgilendi.
Agrarlyq máseleler, tabıǵatty paıdalaný jáne aýyldyq aýmaqtardy damytý komıteti «Qazaqstan Respýblıkasynyń keıbir zańnamalyq aktilerine sýmen jabdyqtaý jáne sý burý, turǵyn úı-kommýnaldyq sharýashylyqty kredıtteý jáne sýbsıdııalaý máseleleri boıynsha ózgerister men tolyqtyrýlar engizý týraly» zań jobasy boıynsha bas komıtet boldy.
«Qazaqstan Respýblıkasynyń bitimgershilik qyzmeti týraly» jáne «Qazaqstan Respýblıkasynyń keıbir zańnamalyq aktilerine Qazaqstan Respýblıkasynyń bitimgershilik qyzmeti máseleleri boıynsha tolyqtyrýlar engizý týraly» zań jobalary boıynsha Halyqaralyq qatynastar, qorǵanys jáne qaýipsizdik komıteti bas komıtet bolyp belgilendi.
Q.Toqaev zańnama jáne reglament erejelerin buljytpaı oryndaý arqyly Senat jumysynyń sapasyn arttyrýǵa Bıýro músheleriniń nazaryn aýdardy. Tóraǵa joǵarǵy palatanyń jumysynda mán-maǵynasyz asyǵystyqqa jol bermeı, memlekettiń saıası júıesindegi Senattyń joǵary mártebesin bilikti sheshimdermen aqtaý qajet, dep sanaıdy.
Bıýro múshelerine aldaǵy Qazaqstan halqy Assambleıasynyń 20 jyldyǵyn jáne Jeńis kúniniń 70 jyldyǵyn merekeleý sharalaryna oraı tapsyrmalar berildi.