Senat azamattyq protsestik zańnamany jetildirýge baǵyttalǵan qujatqa Ult josparyna qatysty birqatar túzetýler engizdi
Qujatqa birqatar ózgerister engizilgendikten zań jobasy Májiliske qaıtaryldy.
Atalǵan zań jobasy negizinen keıbir zańnamalyq aktilerdi Azamattyq protsestik kodeks jobasyna sáıkes keltirýge baǵyttalady. Sonymen qatar, senatorlar qujatty talqylaý barysynda Elbasynyń bes ınstıtýttyq reformasyndaǵy «Memlekettik qurylystyń odan arǵy 100 naqty qadamy» Ult josparyn júzege asyrý boıynsha ózgerister men tolyqtyrýlar engizý qajettigin atap ótedi. Atap aıtqanda, Ult josparyn júzege asyrýda Memleket basshysy qoldanystaǵy zańnamaǵa úsh býyndy sot júıesine kóshýdi kórsetken bolatyn.
Bul rette zań jobasyna Ult josparyn oryndaý úshin úsh satyly júıeniń qurylý jaǵdaıyndaǵy qylmystyq isterdi qaraýdyń protsestik tártibin qarastyratyn 16-qadam, barlyq sot protsesterine beıne jáne taspaǵa jazý sharalaryn mindetti túrde engizýdi kózdeıtin 20 qadam, alqa bıler soty qoldanylatyn salalardy keńeıtýmen jáne zańdy túrde alqa bıler soty mindetti túrde qarastyrylatyn isterdiń sanattaryn anyqtaýǵa qatysty 21-qadam engizilip otyr. Sonymen qatar, Ult josparynyń 22-qadamynda adamnyń jáne azamattardyń konstıtýtsııalyq quqyn shekteıtin barlyq tergeý qyzmeti jónindegi ókilettikti tergeý sýdıasyna birtindep berýdi qamtamasyz etý arqyly sotta aıyptalýshy jáne qorǵaýshy arasyndaǵy teńgerimdi qamtamasyz etý týraly júktelgen bolatyn. Osyǵan oraı, zań jobasynda atalǵan ózgerister men tolyqtyrýlar qarastyrylyp otyr.
Aıta keterligi, Senat depýtattary usynylǵan ózgerister men tolyqtyrýlar engizý baǵytynda zań jobasynyń ataýyn «Sot tóreligin jetildirý máseleleri» boıynsha dep aýystyrýdy da usynǵan. Bul túzetýler endi Májiliste talqylanatyn bolady.