Senat: analıtıkterge Big Data-men jumys isteý jáne JI-di qoldaný tásilderi úıretilýde
Máýlen Áshimbaev Tsıfrlyq damý, ınnovatsııalar jáne aeroǵarysh ónerkásibi mınıstrligimen birlesip Big Data boıynsha semınar ótkizý Senattyń Taldaý mektebi men Jas sarapshylar klýby aıasyndaǵy jumystarynyń laıyqty jalǵasy ekenin atap ótti. Mundaı jobalar jas mamandardyń taldaý daǵdylaryn jetildirýdi, kásibı saraptamalyq qaýymdastyqtardy biriktirýdi jáne sol arqyly Qazaqstandaǵy taldamalyq jumystyń sapasyn arttyrýdy kózdeıdi.
Aıta keteıik, qazirgi tańda Senattyń saraptamalyq alańdaryna qatysýshylar 200 adamnan asady. Olar – túrli salada eńbek etip júrgen jas mamandar.
«Búginde sapaly analıtıka jasaý úshin Big Data qajetti sharttardyń birine aınalyp otyr. Alaıda, sarapshylardyń bári birdeı memlekettik derekkózderdiń naqty múmkindikterin jáne jasandy ıntellekttiń zertteýge tıgizetin úlken yqpalyn bile bermeýi múmkin. Sondaı-aq qazirgi kezde aýqymdy derekter bazasymen tıimdi jumys isteı alatyn mamandardyń da tapshy ekenin kórip otyrmyz. Sondyqtan bizdiń basty mindetimiz – sarapshylarǵa osy derektermen jumys isteýdi úıretý, praktıkalyq sheshimder qabyldaý úshin Big Data-ny qorytýdyń jańa, ınnovatsııalyq tásilderin tabý jáne atalǵan múmkindikterdi paıdalanyp, eldiń damýyna arnalǵan zertteýler júrgizý», – dedi Máýlen Áshimbaev.
Іs-sharada aldaǵy dárister aıasynda Smart Data Ukimet úlken derekter platformasyn ıgerý boıynsha praktıkým ótkiziletini aıtyldy. Bul júıe 90-nan astam memlekettik organnyń aqparattyq júıelerinen alynǵan derekterdi biriktiredi jáne Ulttyq JI platformasy sanalady.
Semınarǵa Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın, jasandy ıntellekt tehnologııalaryn damytý jónindegi sarapshylar jáne memlekettik derekter bazasynyń jumysyn qamtamasyz etetin kompanııalardyń ókilderi qatysty.