Senat 2015 jyly 167 zań qabyldady - Q. Toqaev

ASTANA. QazAqparat - Búgin Parlament Senatynyń 2015 jyldaǵy sońǵy jalpy otyrysy bolyp ótti. Osyǵan baılanysty palata spıkeri Qasym-Jomart Toqaev Senattyń jumysyn qorytyndylady.

«Bıylǵy jyly jaqsy jumys istedik dep aıtýǵa bolady. 167 zań jobasyn qarastyryp, der kezinde olardy qabyldadyq. Zańdardyń basym kópshiligi «Nurly jol» baǵdarlamasy men «100 naqty qadam» Ult josparyn quqyqtyq jaǵynan qamtamasyz etýge baǵyttaldy. El damýy úshin asa mańyzdy keshendi sharalardy júzege asyrdyq. Osy jolda depýtattardyń zań jobasynyń bastamashylarymen jáne apparat qyzmetkerlerimen úılesimdi jumys istegenin atap ótkim keledi», - dedi Senat Tóraǵasy.

Sonymen qatar, spıker depýtattyq korpýsty alda kele jatqan Jańa jylmen de quttyqtady.