«Sen úshin mańyzdy, el úshin mańyzdy!» - jastar bastamasy

ASTANA. 29 jeltoqsan. QazAqparat - Erteń elordada «Sen úshin mańyzdy, el úshin mańyzdy!» jastar is-sharasy ótedi, onda belsendi jastar qatarynan shyqqan ókilder 2012 jylǵy 15 qańtarda ótetin QR Májilisine jáne máslıhattarǵa depýtattardy saılaýǵa qatysýǵa shaqyrady.

Bul kúni jastar saılaý týraly barlyǵyn - daýys berý rásimi, saılaýǵa qalaı qatysýǵa bolatyny týraly, alǵash ret daýys berip otyrǵandar úshin qandaı kóterme syılyqtar bolatyny týraly, saılaý aldyndaǵy jarysqa qandaı partııalar qatysatyny jáne depýtattarǵa kandıdattardyń qaısysy kim ekeni týraly biletin bolady.

Astana qalasynyń qoǵamdyq qorlarynyń jáne paraqtarynda jastar kele jatqan saılaýdy talqylaıtyn tanymal áleýmettik jelilerdiń biri «Vklıýchaısıa» Internet-qaýymdastyǵy Іs-sharanyń uıymdastyrýshysy bolyp tabylady. «Úgitteý naýqany bastalǵanǵa deıin bir aı ishinde maǵan topqa kirýge usynys tústi. Men osyndaı toptardyń óte paıdaly ekenin bilemin, olar jastarǵa damýǵa, oılaýǵa, saıası protsesterge qatysýǵa, aralasýǵa múmkindik beredi. Naqty ómirdegi osy kezdesý barlyq balalardyń oıly, belsendi, nemquraıly emes, eliniń naǵyz azamattary ekenin kórsetti» - «Vklıýchaısıa» tobynyń qatysýshylarynyń biri Mıra Ahmetova.

Uıymdastyrýshylar bul birinshi, biraq sońǵy is-shara emes ekenin aıtady. Saılaýǵa deıin aldyńǵy qatardaǵy jastar arasynan shyqqan bastamashyl top saıası protsester týraly halyqqa aqparat berýdi arttyrýǵa jáne qoǵamnyń tynys tirshiliginiń saıası jáne elektoraldy salalaryndaǵy jastardyń saýatsyzdyǵyn joıýǵa birqatar ashyq aktsııalar men fleshmobtar ótkizgisi keledi.

«Qazirgi zamanǵy jastar óz eliniń ómirine aralasýy tıis, barlyq jaǵdaılar týraly bilýi tıis jáne múmkindiginshe óziniń oń úlesin qosýy tıis» - dep sanaıdy aktsııany uıymdastyrýshy «Qazbrend» QQ dırektory Evgenıı Rıbalko.