ASTANA. KAZINFORM – 27-28 sáýir kúnderi Birikken Arab Ámirlikteriniń Fýdjeıra qalasynda semserlesýden ótetin Azııa aımaqtyq irikteý týrnırinde el namysyn qorǵaıtyn qazaqstandyq sportshylar belgili boldy.
QR Ulttyq olımpıadalyq komıteti málim etkendeı, tórtjyldyq dodasyna joldama beretin jarysqa 28 eldiń sportshylary qatysady. Olardyń qatarynda Qazaqstannan 5 sportshy synǵa túsedi.
Qazaqstan atynan tómendegi sportshylar baq synaıdy:
Áıgerim Sarybaı - semser
Artem Sarkısıan - semser
Sofııa Nıkolaıchýk - shpaga
Ǵalym Nurymov - rapıra
Sofııa Aqtaeva - rapıra
Aıta ketelik, munda árbir qarý túrinen bir joldamadan oınatylady. Sondyqtan, Parıj Olımpıadasyna joldama alý úshin tek qana birinshi oryn ıelený kerek.
Kúnsultan Otarbaı
Eýrazııa Ulttyq ýnıversıtetiniń túlegi. Respýblıkalyq «Qazaq sporty», «Sport» gazetterinde qyzmet atqarǵan.
2014 jylǵy Sochı, 2016 jylǵy Rıo-De Janeıro, 2017 jylǵy Inchhon jáne 2024 jylǵy Parıj Olımpıadasynda, sonymen qatar bir qansha Qysqy jáne Jazǵy Azııa oıyndarynan, álem birinshilikterine baryp tikeleı habar taratqan jýrnalıst.
Seıdaqmet Berdiqulov atyndaǵy arnaıy syılyqtyń laýreaty.