Semserlesýden qazaqstandyq sportshylar álem kýbogynda besinshi oryn aldy

<p>ASTANA. KAZINFORM &ndash; Germanııanyń Haıdenhaım qalasynda semserlesý sportynan sapy saıysy boıynsha álem kýbogynyń kezekti kezeńi aıaqtaldy. Saıys barysynda elimizdiń erler quramasy 14 upaımen 5-orynǵa ıe boldy.</p>

Elimizdiń erler quramasy sapynda Erlik Sertaı, Elmır Álimjanov, Rýslan Qurbanov, Vadım Sharlaımov jarys jolyna shyqty. 

Qazaqstandyq sportshylar 1/16 fınalda Shvetsııany 45:36 esebimen súrindirse, 1/8 fınalda 2014 jylǵy Eýropa chempıonatynyń kúmis júldegeri bolǵan Ispanııany 45:43 esebimen orta jolda qaldyryp ketti.

Al 1/4 fınalda Vengrııanǵa 28:45 esebimen jeńilip qaldy. Atalǵan qurama sapynda álem chempıondary Mate Koh pen Gergeı Shıklo óner kórsetedi.
Odan keıin 5-8-oryn úshin saıysta Chehııany 45:33, Ýkraınany 45:34 esebimen tize búktirdi.
Endi álem kýbogynyń sheshýshi kezeńi 24 naýryz kúni Tbılısıde (Grýzııa) ótedi.
Sáýir aıynyń basynda álemdik reıtıng (50 memleket) boıynsha bastapqy 24 qurama Parıj Olımpıadasyna qatysýǵa múmkindik alady.

Álemdik reıtıng nátıjesi:

1.⁠ ⁠Italııa - 349 upaı
2️. Frantsııa - 321 upaı
3️. Vengrııa - 292 upaı
4️. Japonııa - 278 upaı
5️. Venesýela - 278 upaı
6️. Qazaqstan - 264 upaı

Eske salsaq, 2023 jyly Túrkııada ótken alǵashqy álem kýbogynyń kezeńinde jigitterimiz tarıhı altynǵa qol jetkizgen edi.

Eske salsaq, budan buryn semserlesýden Azııa chempıonatynda qorjynǵa 2 kúmis medal tústi.