Semserlesýden Qazaqstan quramasy álem kýbogynda qola aldy

<p>ASTANA. KAZINFORM — Semserlesýden Vankýverde (Kanada) ótken álem kýbogynda Qazaqstan erler quramasy úzdik úshtikke kirdi.</p>

Sportty damytý dırektsııasynan málim etkenindeı, qazaqstandyqtar sapy jattyǵýy boıynsha qola júldege ıe boldy.

Majarstan quramasy chempıon atansa, Japonııa semserlesýshileri kúmis medaldi qanaǵat tutty.

Jarys barysynda qazaqstandyqtar 1/8 fınalda Gonkong quramasyn 45:31 esebimen tize búktirdi. Shırek fınalda Italııadan aılasyn asyrdy — 45:28. Jartylaı fınalda japondarǵa 28:45 esebimen ese jiberdi.

Qola júlde úshin tartysty básekede Frantsııany 35:34 esebimen utty.

Ulttyq qurama sapynda Rýslan Qurbanov, Elmır Álimjanov, Vadım Sharlaımov, Erlik Sertaı óner kórsetti.

Eske sala keteıik, budan buryn dzıýdodan Qazaqstan jasóspirimder quramasy Eýropa kýbogynda úzdik shyqqanyn jazǵan bolatynbyz.