Ulttyq olımpıadalyq komıtettiń málimetinshe, semsermen aıqasýdan komandalyq jarysta Rýslan Kýrbanov, Vadım Sharlaımov, Elmır Álimjanov jáne Kırıll Prohodov synǵa tústi.
Úshinshi oryn úshin ótken kezdesýde qazaqstandyq sportshylar áıgili Frantsııa quramasymen kim myqtyny anyqtady. Bizdiń semserlesýshiler kezdesýdiń basynan-aq basymdyq tanytyp, sol ústemdigin jarys sońyna deıin saqtap qaldy. Nátıjesinde 45:31 esebimen jeńiske jetti.
Osylaısha, Qazaqstan tarıhta alǵash ret álem chempıonatynyń komandalyq jarysynda medal jeńip aldy.
Aıta keteıik, 2023 jyly Rýslan Kýrbanov jekeleı synda elge tarıhı qola medal ákelgen bolatyn.
Buǵan deıin semserlesýden Qazaqstan erler quramasy álem chempıonatynyń qola júldesine talasatynyn jazǵan edik.