Semeılik oqýshy aýyz sý máselesin sheshýdiń tıimdi tásilin oılap tapty
«Eco Network» uıymy uıymdastyrǵan respýblıkalyq ekobaıqaýǵa Almaty, Astana, Qostanaı, Semeı ján Aqtaý qalalarynan 45 joba túsken. Olardyń arasynan iriktelip alynǵan 12 bastama saıystyń aqtyq kezeńine joldama aldy. Bul tusta mektep oqýshylary, ýnıversıtet pen kolledj stýdentteri usynǵan jobalardyń ishinde qaldyqtardy qaıta paıdalaný jáne balamaly energııa kózine kóshý boıynsha bastamalar men aýyldyq jerlerdegi, shalǵaı eldi mekenderdegi aýyz sý jáne jylý sııaqty máselelerdi sheshýge baǵyttalǵan aýqymdy jobalar da boldy.
«Eresekterge qaraǵanda balalardyń ekologııa máselelerine qyzyǵýshylyǵyn oıatý áldeqaıda ońaı ekeni belgili. Máselen, 10 eresektiń ishinen tek bireýi ǵana osy problemaǵa kóńil aýdarsa, 10 balanyń jartysyna jýyǵy ári qaraı buǵan qyzyǵyp ketedi. Bul – bizdiń zertteýimizdiń statıstıkalyq málimeti. Sondyqtan da, bul joly biz baıqaýdy jasóspirimder arasynda ótkizýdi jón kórdik. Birneshe apta ishinde uıymdastyrýshylar eń tartymdy, eń tıimdi degen 12 jobany iriktep aldy. Olardyń arasynda jemisterdi balamaly energııa kómegimen keptirý apparaty syndy tehnologııalyq jobalar da, ekosómke, qaıta óńdelgen qaǵazdan daıyndalǵan qoıyn dápterler sekildi marketıngtik usynystar da bar», - deıdi «Eco Network» platformasynyń negizin qalaýshysy jáne qazylar alqasynyń tóraǵasy Evgenıı Mýhamedjanov.
«Eń bastysy, baıqaýdyń jeńimpazdary aqshalaı syılyq alyp qana qoımaı, aldaǵy ýaqytta ózderiniń ekologııalyq bastamalaryn júzege asyrýdy aıaǵyna deıin jetkizý úshin tálimgerlerdiń qoldaýyna júgine alady», - dep qosty ol.
Baıqaý nátıjeleri boıynsha qazylar alqasynyń sheshimimen semeılik oqýshynyń ónertabysy úzdik atandy. Nazarbaev Zııatkerlik mektebiniń oqýshysy Toǵjan Nııazbek kondensatsııa ádisimen aýadan sý jınaý qurylǵysyn oılap tapqan. Búginde onyń jobasyna jergilikti ákimdik te qyzyǵýshylyq bildiripti. Jas ónertapqysh ári qaraı jumysyn jalǵastyrý úshin 300 000 teńge kóleminde qarjylaı syılyqqa ıe boldy.
«Osyndaı munaralardy ornatý arqyly biz eldi mekenderdegi aýyz sý máselesin sheshe alamyz. Eń bastysy, qurylǵy tolyǵymen densaýlyqqa zııany joq ekologııalyq materıaldardan jasalǵan. Qazir munaranyń prototıpi Semeıdegi mektebimizde tur. Árbir adam onyń kómegimen aýadan sý jınaý rasymen múmkin qubylys ekenin óz kózimen kóre alady. Qurylymy qarapaıym bir munaradan táýligine 50-den 100 lıtrge jınaýǵa bolady», - deıdi oqýshy.
Sonymen qatar, ekinshi oryndy enshilegen «Reveco» jobasynyń avtorlary 150 000 teńge enshilese, úshinshi orynǵa taban tiregen jemis-jıdek pen kókónisterge arnalǵan «Gelıokeptirgish» jobasynyń qurastyrýshylary 100 000 teńgege ıe boldy.
Aıta ketsek, búginde 100-den asa uıym – ECO Network qozǵalysynyń múshesi. Onyń ishinde Jusan Bank balalar arasynda ótip jatqan eko-baıqaýǵa demeýshilik etip qana qoımaı, ekologııalyq bastamalarǵa bilek sybana qatysyp otyr.
«Mundaı ekologııalyq jobalardyń, ásirese balalar arasynda mańyzdylyǵy joǵary. Sebebi, balalar – bizdiń bolashaǵymyz, olar óse kele qoǵamdy jáne ekologııany qorǵaý máselesine qoǵamnyń kózqarasyn ózgerte alady. Mine, sondyqtan biz osy baıqaýdy qoldap otyrmyz. Bank – óz tarapynan jobalardyń demeýshisi ǵana emes, ekologııalyq qozǵalystyń belsendi qatysýshysy. Bul rette biz keńselerde engizgen qoqysty suryptaý júıesin atap ótkim keledi. Osylaısha, bank óz qyzmetkerlerin de tabıǵatqa janashyrlyqpen qaraýǵa baýlıdy. Odan bólek, Jusan bıyl kómirtek izin eseptep shyǵardy jáne aldaǵy jyldary ol kórsetkishti tómendetpekshi. Óz kezeginde biz búkil qazaqstandyq qoǵamnyń ornyqty damýy maqsatyn kózdeıtin seriktesterimizdi qoldaýǵa árqashan daıynbyz», - deıdi Jusan Bank-tiń PR dırektory Gaýhar Kerimova.
Sonymen qatar, shara barysynda ekologııalyq taqyrypqa arnalǵan túrli sheberlik saǵattary men baıqaý demeýshileri usynǵan syılyqtardyń utys oıyny ótkizildi.