Semeılik oqýshy Abaı oqýlarynda júldeger atandy

SEMEI. QazAqparat – Semeı qalasyndaǵy fızıka-matematıka baǵytyndaǵy Nazarbaev Zııatkerlik mektebiniń 12-synyp oqýshysy Álsana Smaılova Elbasy kitaphanasy uıymdastyrǵan dástúrli ІV Abaı oqýlary ádebıet saıysynda júldeli 2-orynǵa ıe boldy, dep habarlaıdy QazAqparat tilshisi.

Saıys uly oıshyl, aǵartýshy, qazaq jazba ádebıetiniń negizin qalaýshy Abaıdyń shyǵarmashylyǵyn dáripteý maqsatynda áleýmettik jelilerde jarııalanǵan bolatyn.

Talap boıynsha úmitker aqynnyń kez kelgen óleńin jatqa oqyp, ony Instagram, Facebook áleýmettik jelisine #ElbasyKitaphanasyAbaı #AbaıdyOqımyz175 #BıblıotekaElbasyAbaı #chıtaemAbaıa175 heshtegimen jarııalaýy kerek.

«Ádebı saıys jaıly ustazym Aıgúl Baqdáýletqyzynan estidim. Abaı atamyzdyń mereıtoıyna onyń shyǵarmalaryn nasıhattaý arqyly úles qosýdy kózdep qatysýǵa bel býdym. Aqynnyń qaı óleńin alyp qarasaq ta, taǵylym men tárbıege tunyp tur. Degenmen baıqaýda oıshyldyń 1902 jyly jazǵan «Júrek –teńiz, qyzyqtyń bári asyl tas» atty óleńin jatqa oqydym. Bul týyndynyń árbir tarmaǵynda tereń fılosofııalyq maǵyna jatyr, sondaı-aq birqatar mańyzdy qundylyqtar jóninde aıtylady», -deıdi Álsana Smaılova.

Ádebı baıqaýǵa myńnan asa adam qatysqan. Óz ónerin synaýǵa nıet bildirgenderdiń arasynda elimizden bólek shet memleketten de ótinish bildirgender bar.