Semeılik eriktiler qalany qardan tazartý aktsııasyna qatysty
Búgin Semeıdegi Abaı eskertkishine irgeles aýmaqty qardan tazartý úshin 30-ǵa jýyq erikti shyqqan. Olar budan bólek, Vostochnyı kentinde turatyn jalǵyzbasty zeınetkerlerdiń aýlasyn tazartyp berdi. Igi aktsııanyń uıymdastyrylýyna Jastar resýrstyq ortalyǵy muryndyq bolǵan.
– Qala boıynsha mádenı mańyzy bar jerlerdi qardan tazartý aktsııasy ótkizilýde. Biz kolledjder men joǵary oqý oryndaryna qońyraý shalyp, eriktilerdiń atsalysýyn suradyq. Belsene qatysqan jastarǵa úlken alǵysymyzdy bildiremiz, - deıdi ortalyq qyzmetkeri Farıza Ońǵarova.
Bul aktsııa ary qaraı da jalǵasyn tappaq. Kelesi joly eriktiler basqa da mádenı nysandardyń aýmaǵyn qardan tazartady.
Aıta keteıik, keshe elorda jastary áleýmettik jelide qar kúreý chellendjin bastady. Elorda eriktilerin Memleket basshysy Qasym-Jomart Toqaev qoldady. Sondaı-aq, belgili ázil-syqaqshy, telejúrgizýshisi Tursynbek Qabatov, jýrnalıst, telejúrgizýshi Ashat Sadyrbaı, «Nazar aýdar» teatrynyń ártisteri qoldaý bildirdi.