Semeıge 2 myńnan astam «Sergek» kamerasy ornatylady
Qala ákiminiń orynbasary Darhan Jórgekbaevtyń aıtýynsha, «Sergek» foto-beınetirkeý júıesin engizý maqsatynda 5,2 mlrd teńge bólingen.
«40 jol qıylysynda jáne 74 jelilik ýchaskede 1 391 kamera, áleýmettik nysandarda, kópqabatty turǵyn úı aýlasynda, adam kóp jınalatyn jerlerde 687 kamera ornatylmaq. Bundaǵy maqsat – joldaǵy qaýipsizdikti qamtamasyz etý, jol apattarynyń aldyn alý. Bıyl qalanyń 27 kóshesi ortasha jóndeldi. Al 106 kóshe men jergilikti mańyzy bar joldar aǵymdaǵy jóndeýden ótti», - dedi ol qalalyq Aqparat ortalyǵynda ótken baspasóz konferentsııasynda.
Darhan Jórgekbaevtyń sózinshe, respýblıkalyq bıýdjet esebinen «Semeı-Qaınar» tasjolynyń 53 shaqyrymy jóndelýde. Jalpy jyl saıyn jol jóndeý jumystaryna 3 mlrd teńge bólý josparlanyp otyr.