Semeıdiń jańa ákimi jylytý qazandyqtaryn tekserdi
Bul jaıly shahar basshysy óziniń Instagram jelisindegi jeke paraqshasynda jazdy.
«Qazirgi tańda qaladaǵy basty máselelerdiń biri – jylý. Jýyqta oblys ákimi Danıal Ahmetovtiń tóraǵalyǵymen atalǵan másele boı̆ynsha arnaı̆y jınalys ótkizildi. Іs-sharalar jospary ázirlendi, atqarylatyn jumystyń kólemi anyqtalyp, qarjylandyrý kózderi de qarastyrylýda. Sońǵy eki kún ishinde, qaladaǵy «TETs-1», «RK-1», «RK-3» Ortalyq», «Ǵabbasov», «103-103A», «35 kvartal» jylý qazandyqtaryna baryp, jumys barysymen tanysyp shyqtym. Atalǵan baǵyttaǵy jumystar qatań baqylaýda bolady». - dedi Nurymbet Saqtaǵanov.
Ákim óz sózinde Semeı̆ge basshylyq jasaý úlken abyroı̆ jáne júgi aýyr, jaýapkershiligi mol qyzmet ekendigin aıtty.
«Memleket basshysy, Úkimet jáne oblys ákiminiń aldymyzǵa qoı̆ǵan mindetterdi qala halqymen birlesip iske asyramyz dep senemin», - dedi ol.