Semeıdiń ortalyǵynda orman órtimen kúresken batyrlarǵa alǵys baneri paıda boldy
21:37, 19 Maýsym 2023
ASTANA. QazAqparat – Semeı qalasyndaǵy kópqabatty turǵyn úıdiń qabyrǵasyna orman órtimen kúresken batyrlarǵa alǵys baneri ilindi, dep habarlaıdy QazAqparat tilshisi.
«Jańa Adamdar» jastar qozǵalysy Abaı oblysyndaǵy orman órtimen kúresken otandastaryna alǵysyn erekshe aktsııa arqyly bildirdi.
«Tabıǵı apattarmen kúresý — ońaı sharýa emes. Osy qaýipti mıssııa Tótenshe jaǵdaılar mınıstrliginiń qyzmetkerleriniń jáne órt sóndirýshilerdiń moınynda boldy.
Biz búkil elmen birge jankeshti órt sóndirýshilerge alǵys bildirip, olarǵa qoldaý kórsettik. Olardyń qurmetine, 150 sharshy metrden astam aýmaqta «Batyrlarymyzǵa myń alǵys!» atty úlken banner ildik. Órtti sóndirýge atsalysqan barlyq mamandarǵa búkil halyqtyń atynan alǵysymyzdy bildirgimiz keldi», - deıdi jastar qozǵalysynyń belsendisi Meıirjan Ǵarıfollaev.