Semeıdiń burynǵy áleýetin qaıta jandandyramyz – Nurlan Uranhaev

NUR-SULTAN. QazAqparat – Jańadan qurylǵan Abaı oblysynyń ákimi Nurlan Uranhaev óńirde qaı salalardy damytýǵa basymdyq beriletinin aıtty, dep habarlaıdy QazAqparat tilshisi.

«Birinshi kezekte ekonomıkany kóterip, adamdardyń ómir súrý deńgeıin jaqsartý kerek shyǵar. Árıne, odan keıin kóbirek ınvestıtsııa tartý qajet. Bizdiń óńir úshin dástúrli bolyp sanalatyn aýyl sharýashylyǵy sııaqty salalardy damytý kerek. Burynǵy Semeı oblysy agrarlyq ólke bolǵan. Mal sharýashylyǵy, sonyń ishinde qoı sharýashylyǵy jasqsy jolǵa qoıylǵan bolatyn. ıAǵnı, biz jańa eshteńe oılap tabaıyq dep otyrǵan joqpyz. Burynnan bar, ábden jolǵa qoıylǵan salalardy qalpyna keltirýge tyrysamyz», - degen oblys basshysy Semeı-Alakól baǵytyndaǵy avtomobıl jolynyń taǵdyry ne bolatynyn aıtty.

«Sizderge kishigirim qupııa aıtaıyn. Kelesi aptada bizge Májilis komıtetiniń 3 ókili keledi. Olardyń arasynda Úkimet ókilderi de bar. Bul joldy bizdiń úlken másele degennen góri keleshegimiz degen durys shyǵar. Óńirdiń transport áleýetin paıdalanamyz. Óıtkeni biz Qytaı men Reseıdiń ortasynda jatyrmyz», - dedi Nurlan Uranhaev Úkimet kýlýarynda.

Eske salsaq, keshe Abaı oblysynyń ákimi Prezıdentke óńirdiń qazirgi jaǵdaıy týraly baıandaǵan bolatyn.