Semeıden qajylyqqa 15 adam attanady
Qasıetti saparǵa barýǵa nıet tanytqandar Qazaqstannan 13-15 tamyz aralyǵynda tasymaldanady. Onyń jeteýi QMDB janynan qurylǵan qajylyq kompanııa kómegimen, al qalǵany basqa týrıstik fırmalarmen jetedi. Islamnyń bes paryzynyń birin óteýge attanatyn jamaǵat aldymen ázirlik kýrsynan ótken. Semeıdiń Qos munaraly ortalyq meshitinde qala boıynsha qajylyq bóliminiń ókili Birjan Amanjoluly 2 ret aptalyq qajylyq kýrsyn uıymdastyryp, dárister ótkizgen. Shilde aıynda bastalyp, tamyzdyń basyna deıin jalǵasqan dáris barysynda qajylyqqa baratyn jandarǵa qajylyq sharttary men erejeleri túsindirildi.
«Kýrs barysynda taýap qalaı jasalatynyn, safa men marýa arasynda qalaı júrý kerektigin, ıhramǵa kirgen soń ne nársege muqııat bolý kerektigin, qasıetti mekendegi qulshylyqtardy qatelespeı jasaý úshin dárister oqyldy»,-deıdi Semeı aımaǵy boıynsha qajylyq bóliminiń ókili Birjan Amanjoluly.