«Semeı qalasynan Aqtaý, Atyraý, Shymkent, Úrjar jáne Pavlodar baǵyttary boıynsha avıareısterdi sýbsıdııalaý josparlanýda. Sonymen qatar, kólik salasy men logıstıkany damytý aıasynda óńirde 11 kópir, «Aıagóz-Baqty-Qytaı shekarasy» ýchaskesinde temirjol salý jáne qaıta jóndeý júrgiziledi. Sonymen qatar Úrjar aýylynda tranzıttik-kólik obektisi jáne áýejaı termınalyn salý josparlanyp otyr. Sol sııaqty jalpy uzyndyǵy 1465 shaqyrym bolatyn jergilikti joldar kúrdeli jáne ortasha jóndeýden ótedi», - dedi Álibek Qýantyrov Úkimet otyrysynda.
Odan ári mınıstr Abaı oblysynda densaýlyq saqtaý, bilim jáne mádenıet, sport salasyn damytýǵa qatysty josparyn bólisti.
«Oblysta kópbeıindi jáne balalar aýrýhanasyn, qan ortalyǵy jáne 2 emhana salý kózdelgen. Oqýshy oryndarynyń tapshylyǵyn sheshý úshin 6 shaǵyn jınaqty mektep salynady. Sondaı-aq, 9 balabaqsha men 3 balalar lagerin salý josparlanyp otyr. Mádenıet jáne sport boıynsha aýyldyq eldi mekenderde mádenıet nysany, júzý basseıni jáne 5 sport modýli salynyp, jóndeledi. Semeı qalasynda muz saraıynyń qurylysy bastalady jáne 80 adamǵa arnalǵan qonaq úıi bar sport keshenin salý josparda bar»,- deıdi ol.
Sondaı-aq, vedomstvo basshysy 7 medıtsınalyq-áleýmettik mekeme salynatynyn aıtty.
Aıta ketsek, búgin Úkimette Abaı oblysynyń 2023-2027 jyldarǵa arnalǵan keshendi damý jospary tanystyryldy.
Belgili bolǵandaı atalǵan óńirde 14 myń jumys orny qurylady.