Semeıdegi JEO-da órt bolyp, kómir berý júıesi isten shyqty

SEMEI. QazAqparat – Qutqarýshylar men áskerı qyzmetshiler Semeı qalasynyń 1-jylý elektr ortalyǵyndaǵy qazandyqqa kómirdi qolmen salyp jatyr. Bul týraly QazAqparat Tótenshe jaǵdaılar mınıstrligine silteme jasap habarlaıdy.

«15 jeltoqsanda saǵat 00:34-te Abaı oblysynyń Semeı qalasynda 1-JEO-da uzyndyǵy 6 metr alańda transporter lentasy men elektr kabelderi janǵan bolatyn. Saǵat 1.36-da órt tolyǵymen sóndirildi. Órt saldarynan qatty otyn – kómir berý júıesiniń jumysy toqtatyldy. Saǵat 10-nan bastap Tótenshe jaǵdaılar jáne qorǵanys mınıstrlikteri áskerı bólimderiniń áskerı qyzmetshileri úzdiksiz rejımde qazandyq agregattaryna qatty otyndy qolmen salý jumystaryn bastady», - delingen vedomstvo habarlamasynda.