Semeıdegi JEO-da kómir berý júıesinen basqa agregattar tolyqtaı jumys istep tur

ÓSKEMEN. QazAqparat – Semeı qalasyndaǵy JEO-da kómir berý júıesinen basqa agregattar tolyqtaı jumys istep tur, dep habarlaıdy QazAqparat tilshisi.

Abaı oblysy ákimdiginiń málimetine súıensek, dál qazir 1-jylý elektr ortalyǵynda 3 qazandyq jumys istep tur. Jylý temperatýrasy 60 gradýsta berilýde.

«Kómir berý júıesinen basqa agregattyń barlyq toraptary qalypty rejımde jumys isteýde. Osyǵan baılanysty kómir qazandyqqa qolmen tıelýde. Bul úshin JEO qyzmetkerlerinen basqa TJM jáne Qorǵanys mınıstrliginiń 50 adamy tartyldy», - delingen aqparatta.

Esterińizge sala keteıik, búgin saǵat 00:34-te Semeı qalasynda 1-JEO-da uzyndyǵy 6 metr alańda transporter lentasy men elektr kabelderi janǵan bolatyn.

Saǵat 1.36-da órt tolyǵymen sóndirildi. Órt saldarynan qatty otyn – kómir berý júıesiniń jumysy toqtatyldy.