Semeıdegi ýnıversıtet jataqhanasynda órt shyqty

SEMEI. QazAqparat - Semeı qalasyndaǵy joǵary oqý orny jataqhanalarynyń birinde órt shyqqan, dep habarlaıdy QazAqparat.

Qalalyq TJB baspasóz qyzmetiniń málimetine súıensek, oqıǵa búgin saǵat 13.00 shamasynda Fızkýltýrnaıa kóshesinde bolǵan. Órt jataqhananyń 6-qabatynda shyqqan.

Jıhaz ben tósek-oryndy sharpyǵan qyzyl jalynnyń jalpy aýmaǵy 10 sharshy metrdi qurady.

Ǵımarattaǵy 80 adam órt tutana salysymen syrtqa shyqqan. Adamdardy evakýatsııalaýǵa kómektesip júrip, aşy gaz ıisin kóp jutyp qoıǵan 1972 jylǵy kúzetshi ýlanyp, aýrýhanaǵa jetkizildi.

«Tilsiz jaýdy aýyzdyqtaýǵa 30 órt sóndirýshi men 6 avtotsısterna jumyldyrylǵan. Jalyn saǵat 13.31-de tolyqtaı óshirildi. Aldyn ala boljam boıynsha, órttiń shyǵýyna otty abaısyz paıdalaný nemese elektr jabdyqtarynyń apattyq jaǵdaıda bolýy sebep bolýy múmkin», - dep habarlady vedomstvo ókilderi.