Semeıdegi shaǵynaýdan turǵyndary páterde jylýdyń azaıǵanyna shaǵymdandy
«Qaraǵaıly» shaǵynaýdanynyń turǵyndary páterlerinde jylýdyń azaıǵanyn aıtyp, qala ákimdigine shaǵymdanýda. Osyǵan oraı jergilikti bılik «Teplokommýenergo» MKK mamandarynyń atalǵan shaǵynaýdandaǵy úılerdiń jylý júıesine ınspektsııalyq tekserister júrgizgenin málim etti.
«Sonyń nátıjesinde birneshe úıde jylýmen qamtamasyz etýge qatysty problemalar anyqtaldy. Qalalyq jylý kózderinen»Qaraǵaıly«shaǵynaýdanyna jylý 75-80 gradýsta beriledi. Alaıda qazir páterlerdegi batareıalarda jylý temperatýrasy 45-50 gradýs bolyp otyr. Jylý qýatynyń tómendeýi jertólelerde ornalasqan úılerdiń jylý pýnkterinen bolýy múmkin. Dál qazir mamandar ondaǵy aqaýlardy anyqtap jatyr», - delingen aqparatta.
Sonymen qatar úılerdi salǵan merdiger kompanııa men tıisti mamandar jylý júıesin retke keltirý boıynsha jumystar júrgizip jatyr.