Semeıdegi orman órti shyǵynyn arnaıy komıssııasy esepteıdi

ASTANA. QazAqparat – Abaı oblysyndaǵy alapat orman órtinen kelgen shyǵyn kólemin arnaıy komıssııa eseptep, tekseredi. Bul týraly Ekologııa jáne tabıǵı resýrstar mınıstri Zúlfııa Súleımenova Jibek Joly telearnasyna bergen suhbat barysynda aıtty, dep habarlaıdy QazAqparat tilshisi.

«Arnaıy komıssııa qurylady. Úlken jumys kútip tur, biz ony múmkindiginshe qysqa merzimde jasaımyz. Tıisti komıssııa jumysyna órt sóndirilgennen keıin kirisedi. Sebebi órt áli aýyzdyqtalǵan joq. Desekte qazirdiń ózinde shyǵynnyń aýqymdy bolatynyn ańǵarýǵa bolady. Semeı ormanyndaǵy órt elimizdegi eń iri tabıǵı apattyń biri shyǵar», - dedi Zúlfııa Súleımenova efır kezinde.

Aıta ketsek, Abaı oblysyndaǵy orman órti faktisi boıynsha qylmystyq is qozǵaldy.

Ekologııa jáne tabıǵı resýrstar mınıstrliginen málim etkendeı, órtke qatysty tergeý Qylmystyń kodekstiń «abaısyzda eki jáne odan da kóp adamnyń ólimine ákep soqqan órt qaýipsizdigi talaptaryn buzý» baby boıynsha júrgiziledi.

Buǵan deıin habarlaǵanymyzdaı, sarapshy Semeı ormanyn qalpyna keltirýge kem degende 30-40 jyl ýaqyt kerek ekenin aıtty.

Eske sala keteıik, erteń elimizde jalpyulttyq aza tutý kúni bolyp jarııalandy.

Memleket basshysy tıisti ókimge qol qoıdy.