Semeıdegi orman órti: aýyz sý men azyq-túlik jetkilikti

SEMEI. QazAqparat - Abaı oblysyndaǵy órt aýmaǵynda aýyz sý men azyq-túlik jetkilikti, dep habarlaıdy QazAqparat jergilikti ákimdikke silteme jasap.

Quzyrly organdardyń der kezinde áreket etýiniń jáne barsha oblys turǵyndarynyń judyryqtaı jumylýynyń arqasynda qazir tilsiz jaýmen kúresip jatqan órt sóndirýshiler barlyq qajetti zattarmen qamtamasyz etilgen.

Ákimdik qyzmetkerleri apatty aımaqqa sý men azyq-túlikti jınap, jetkizýde. Sonyń nátıjesinde órt sóndirýshilerde qajetti zattar tapshylyǵy joq.

Dala ashanalary iske qosyldy jáne áli de jumys istep jatyr.