Semeıdegi mektepke deıingi mekemeler shtattyq rejımde jumys isteýde
Qalalyq Aqparat ortalyǵynyń dereginshe, búginde Semeıdegi 60 mektepke deıingi mekemege 6 myńǵa jýyq bala barady. Onda balalardyń qaýipsizdigi úshin barlyq jaǵdaı jasalǵan. Balabaqshalar túgeldeı beınebaqylaý kameralarymen jabdyqtalǵan.
«Mektepke deıingi mekemeler shtattyq rejımde jumys isteýde. Bizdiń balabaqshada 285 bala bar. 12 top óz jumysyn jalǵastyrýda. Tárbıeshiler men pedagogtar jumysty jyldyq josparǵa sáıkes júzege asyrady. Balalardyń qaýipsizdigi maqsatynda balabaqshaǵa 74 beınekamera qoıylǵan. Sondaı-aq ata-analar men balabaqshaǵa kelýshilerge yńǵaıly bolý úshin beınedomofon ornatylǵan», – deıdi №8 «Balbóbek» balabaqshasynyń meńgerýshisi Gúlnar Jumaǵalıeva.
Aıta keteıik, beınejazbalar jedel basqarý ortalyǵyna beriledi. Ony bilim bóliminiń ókilderi de kóre alady. Jazba 90 kúnnen artyq saqtalady.