Semeıdegi «Lenın» kóshesin «Máńgilik el» dep ózgertý usynyldy

ASTANA. QazAqparat - Semeıde «Lenın» kóshesi men «Polkovnıchıı» araldarynyń ataýyn ózgertýge qatysty qoǵamdyq tyńdaý bolyp ótti, dep habarlaıdy«QazAqparat» HAA tilshisi.

Semeı qalasynyń ishki saıasat bólimimiń basshysy Aıdar Sadyrbaevtyń habarlaýynsha, búgin qoǵamdyq tyńdaýǵa qoǵamdyq ınstıtýttyń, Úkimettik emes uıymdardyń ókilderi qatysqan. Tyńdaýda qalalyq onomastıkalyq komıssııanyń usynysy boıynsha eki másele qaralǵan. Atap aıtqanda, «Lenın kóshesiniń ataýyn «Máńgilik el» dep ózgertý usynylsa, semeılik aqsaqaldar sonymen birge Polkovnıchıı aralyn «Beıbitshilik araly» dep ózgertýdi surap hat jazǵan.

«Atalǵan eki usynys oblystyq onomastıkalyq komıssııaǵa joldandy. Sheshim qabyldanǵannan keıin resmı jarııalanym bolady», - deıdi Aıdar Sadyrbaev.

Aıta keterligi, 22 qyrkúıekte Qazaqtyń rýhanı astanasy - Semeı shaharyndaǵy dál osy Lenın men Shýgaev kósheleriniń qılysynda Ult kósemi Álıhan Bókeıhanovtyń eskertkishi ashylǵan bolatyn. 

Foto: arnapress.kz