Semeıdegi kásipker sertıfıkatsyz oıynshyq ımporttaǵany úshin 111 ret aıyppul tólegen

ASTANA. QazAqparat - QR UEM Tutynýshylardyń quqyǵyn qorǵaý komıteti kameraldyq baqylaý nátıjesi boıynsha shartty shyǵarý rejiminde sáıkestikti baǵalaý rásimi joq keń qoldanystaǵy taýarlardy, ıaǵnı eshbir sertıfıkatsyz jáne deklaratsııasyz balalar oıynshyqtaryn, azyq-túlik ónimderin ımporttaýǵa qatysty 32 derekti anyqtady. Bul týraly vedomstvonyń baspasóz qyzmeti habarlaıdy.

Sertıfıkatsııa jasalmaǵan taýarlar tehnıkalyq rettemelerdiń talaptaryna sáıkes kelmeıdi, sondyqtan turǵyndardyń ómiri men densaýlyǵyna qaýip tóndiredi, delingen habarlamada.

Zańnamany buzýshylardyń tizimi Komıtettiń saıtynda Kameraldyq baqylaý bóliminde jarııalanǵan.

«Eń kóp zań buzýshylardyń arasynda Shyǵys Qazaqstan oblysy Semeı qalasynyń kásipkeri ıAroslav Andreevıch Kýrbatov bar. Ol taýardy kirgizip, shartty túrde shyǵarylǵan taýarlardy (balalar oıynshyqtary) óz betinshe saýdalap kelgen. Osyǵan oraı, Shyǵys Qazaqstan oblystyq memlekettik kirister departamenti 111 ret ákimshilik jaýapqa tartty (2015 jyly 55 ret jáne 2016 jyly 56 ret ákimshilik aıyppul tóledi)», - dep kórsetilgen habarlamada.