Semeıdegi «Beıbitshilik» aralynda tabıǵı saıabaq salynady

SEMEI. QazAqparat – Abaı oblysynyń ákimi Nurlan Uranhaev Semeıdegi Ertis ózeniniń ortasyndaǵy «Beıbitshilik» aralyna tabıǵı saıabaq salý josparyn «QazaqGeography» RQB basqarma tóraǵasy Orman Nurbaevpen beınebaılanys arqyly talqylady, dep habarlaıdy QazAqparat tilshisi.

Jobanyń negizgi maqsaty – ekotýrızmdi jaqsartý. «Beıbitshilik» aralyna tabıǵı saıabaq salý arqyly túrli ósimdik otyrǵyzylyp, sırek kezdesetin qustardyń alýan túrin kóbeıtý kózdelip otyr.

Tabıǵı saıabaqta geografııa, mádenıet, ólketaný, ekologııalyq týrızmge arnalǵan oryndar boı kóteredi. Sondaı-aq, qarııalarǵa arnalǵan arnaıy aýmaq pen qustardy tamashalaýǵa bolatyn buryshtar da salynady.

«Landshafty dızaın arqyly qalamyzdy kórkeıtý – quptarlyq is. Biz ekoýrbanızmdi damytý úshin de yntymaqtyq ornatýǵa daıynbyz. Tabıǵı saıabaq salýǵa qajetti arnaıy oryndar jetkilikti», - dedi Nurlan Uranhaev.

Esterińizge sala ketsek, osyǵan deıin Semeıdegi aspaly kópirdiń astyna jańa demalys orny salynatyndyǵy habarlanǵan bolatyn.