Semeıdegi balabaqshalardy Qydyr ata aralap júr

SEMEI. QazAqparat - Naýryz qarsańynda Semeı balabaqshalary merekelik erteńgilikter ótkizýde. Qalanyń mektepke deıingi mekemelerine alǵash ret Qydyr ata keldi, dep habarlaıdy QazAqparat Semeı aqparat ortalyǵyna silteme jasap.

Qydyr ata balalardy kele jatqan merekemen quttyqtap, búldirshinderge óz batasyn berdi.

«Balalar Qydyr ata kelgende qatty qýandy, - deıdi qalalyq mádenıet jáne tilderdi damytý bóliminiń basshysy Nazerke Aqqojına. - Erteńgilikter qyzyqty ári tanymdy ótip jatyr. Qydyr ata balalarǵa naýryz týraly, shashý men bata sııaqty qazaq ádet-ǵuryptary jaıly áńgimeleıdi. Kóptegen balalar Qydyr ata men salt-dástúrler týraly jaqsy biledi eken. Bul bizdi bizdi qýantty».

Qydyr ata kúnine eki balabaqshaǵa barady. Jalpy 21 naýryzǵa deıin 20 mektepke deıingi mekemeni qamtý josparlanyp otyr. Qydyr atanyń rólin qalanyń qoǵamdyq ómirine belsendi aralasyp júrgen zeınetkerler oınaıdy.

Aıta keteıik, bıyl Semeıde Naýryz toıy bir aptaǵa sozylady. Ulystyń uly kúni naýryzdyń 14-de Ertistiń jaǵasynda bastaldy. Mereke 21 naýryzǵa deıin jalǵasady. Al 22 naýryz kúni kóktem merekesi qalanyń 5 alańynda toılanady. Dástúr boıynsha basty jıyndar ortalyq alańda ótpek.