Semeıdegi Abaı mýzeıi oqýshylarǵa onlaın-saıahat uıymdastyrdy
17:07, 17 Naýryz 2020
SEMEI. QazAqparat – Semeı qalasyndaǵy «Jıdebaı-Bórili» memlekettik tarıhı-mádenı jáne ádebı-memorıaldyq mýzeı-qoryǵy halyqqa onlaın-lektsııalar men 3D saıahattar usynýda, dep habarlaıdy QazAqparat.
Qalalyq Aqparat ortalyǵynyń málimetine súıensek, Abaıtaný kabıneti men aqyn mýzeıiniń arasyndaǵy shyǵarmashylyq baılanysty damytý maqsatynda Abaı aýdanynyń mektep-lıtseıi vıdeosabaq uıymdastyrǵan.
Tanymdyq sabaq aıasynda mýzeı dırektory Jandos Áýbákir oqýshylarǵa hakimniń ómiri, ádebı murasy týraly aıtyp, balalardy mýzeıdiń qundy jádigerlerimen tanystyrdy. Osyndaı jumystar aldaǵy ýaqytta da jalǵasyn tappaq.
Aıta keteıik, búgingi kúni onlaın-ekskýrsııalar AQSh pen Eýropanyń iri mýzeılerinde ótkizilýde. Onda lektsııalar, oıyndar, 3D saıahattar ınternet resýrstary arqyly uıymdastyrylady.