Semeıdegi jappaı tóbeles kezinde kisi ólimi bolǵan joq — polıtsııa

<p>SEMEI. KAZINFORM — Abaı oblysy polıtsııa departamenti áleýmettik jelide taraǵan jappaı tóbeles faktisine qatysty málimdeme jasady. </p>

Oǵan sensek, Semeı qalasy Zaton polıtsııa bólimi densaýlyqqa zııan keltiretin zattardy qoldana otyryp, bir top adam jasaǵan qasaqana densaýlyqqa aýyr zııan keltirý jáne buzaqylyq baptarymen tergeý bastaǵan.

«Kináli adamdar anyqtalyp, ýaqytsha ustaý ızolıatoryna qamaldy. Sonymen qatar, janjalǵa qatysýshylar arasynda qaza tapqandar joq ekenin habarlaımyz» deıdi polıtsııadan.

Abaı oblysy polıtsııa departamenti jalǵan aqparat taratqandarǵa jaýapkershilik bar ekenin eskertedi jáne azamattardy tek resmı derekkózge senýge shaqyrady.

Qylmystyq-protsestik kodekstiń 201-babynyń 1-bóligine sáıkes sotqa deıingi tergeýdiń ózge derekteri jarııalanbaıdy.