Semeıdegi iri saýda úıindegi órt: kásipkerlerge qandaı kómek berildi

<p>ASTANA. KAZINFORM &ndash; Jyl basynda Semeıdegi iri saýda ortalyqtarynyń birinde órt shyǵyp, sonyń saldarynan kóptegen kásipker tabysynan aıyryldy. Bul turǵyda Ortalyq kommýnıkatsııalar qyzmetindegi brıfıngide Abaı oblysynyń ákimi Nurlan Uranhaev zardap shekkenderge arnalǵan qoldaý is-sharalary týraly aıtty.</p>

Óńir ákiminiń aıtýynsha, qazir tergeý amaldary júrip jatqandyqtan, ǵımarat qorshalyp, jóndeý jumystary júrgizilmedi. Sonymen qatar, saraptama jasalyp, ǵımarattyń 40 paıyzǵa jýyǵyn qaıta salý qajet ekeni anyqtaldy.

«Al osy bazardaǵy býtıkter men oryndardy jalǵa alǵandarǵa toqtalsaq, ekinshi deńgeıli bankterge nesıe tóleý merzimin keıinge qaldyrý týraly bizge bastapqyda 212 adam habarlasty. 39-y boıynsha oń sheshim qabyldanyp, ekeýi boıynsha kelisim berilmedi. Qalǵan kásipkerler ótinish bermedi. Biz bul jumysty jalǵastyramyz», - dedi Nurlan Uranhaev.

Onyń sózine qaraǵanda, kásipkerlerge qaladaǵy bazarlar men saýda ortalyqtarynda arnaıy oryndar berilgen. Bul turǵyda olar úshin jalǵa alý quny sál tómendeý bolady.

Eske salsaq, qalada kıim-keshek saýdalanatyn eń iri saýda ornynda 6 jeltoqsanda tańǵy saǵat 3.00 shamasynda órt shyqqan edi. https://kaz.inform.kz/news/semeyde-r-sauda-uyndeg-ort-sondrld-2b484d/

Osydan keıin Semeı qalasyndaǵy iri «Aqshyń» saýda ortalyǵyndaǵy órtke qatysty jaǵdaı QR Úkimetiniń jáne oblys ákiminiń jeke baqylaýyna alyndy. 

Taýary búlingen kásipkerlerge kómek kórsetý úshin arnaıy shtab quryldy.