Semeıdegi kópir qurylysyna baılanysty Ertiske aǵyzylyp jatqan sýdyń qarqyny báseńdedi

<p>PAVLODAR. KAZINFORM &mdash; Sońǵy úsh táýlik boıy Shúlbi sý qoımasynan ózenge sekýndyna 3500 tekshe metr sý bosatylyp kelgen. Ertis basseın ınspektsııasy Semeı qalasynda salynyp jatqan kópir mańynda ózen deńgeıi kóterile bastaǵanyn eskerip sý kólemin azaıtý jóninde sheshim qabyldady.</p>

Bul týraly Pavlodar oblysy ákiminiń baspasóz qyzmeti habarlady.

«Semeı qalasynyń kópir qurylysy aýmaǵynda sý deńgeıiniń shamadan joǵary kóterilýi baıqalyp otyr. Soǵan oraı Ertis basseındik ınspektsııasymen Shúlbi sý qoımasynan jiberiletin sýdyń kólemin azaıtý týraly sheshim qabyldandy. 16-24 sáýir aralyǵynda Ertis ózenine jiberiletin sýdyń kólemi - sekýndyna 3200 tekshe metr. Ótken jyly bosatylǵan sýdyń naqty maksımaldy kólemi úsh táýlik ishinde 2600-2800 m3/sek bolǵanyn atap ótý qajet. Al bıyl sýdyń maksımaldy jiberilýi sońǵy úsh kún boıy 3500 m3/sek deńgeıinde boldy» dep málimdedi baspasóz qyzmetinen.

Osylaısha Pavlodar oblysynyń aýmaǵyna tabıǵatty qorǵaý maqsatynda bosatylatyn sýdyń boljamdy kólemi shamamen 6 tekshe kılometrdi quraıtyny belgili boldy.

Ózen jaıylmalarynyń keminde 70-75%-yn sý basady degen boljam bar. Bul alǵashqy boljamnan 15 paıyzǵa kem.

Buǵan deıin jaıylmalardyń 90 paıyzyn sý basatyny aıtylǵan edi.