Semeıdegi kólik keptelisi: qaladaǵy joldar keńeıtiledi

<p>ASTANA. KAZINFORM &ndash; Abaı oblysynyń ákimi Nurlan Uranhaev Semeıdegi avtokólik keptelesi máselesin sheshý úshin qandaı is-shalar júzege asyrylatynyn aıtty.</p>

«Jaqynda bekitilgen Semeı qalasynyń Bas jospary aıasynda birge kósheler men joldar keńeıtiledi. Sonymen qatar, birazdan beri jabyq turǵan kóshelerdi ashamyz. Atap aıtqanda, Bas josparda eskerilgen is-sharalar qaladaǵy kólik keptelesin edáýir azaıtady dep oılaımyn», - dedi N. Uranhaev Ortalyq kommýnıkatsııalar qyzmetindegi baspasóz máslıhatynda.

Budan bólek oblys ákimi kólik ınfraqurylymy salasynda Semeıde tórt jolaqty jańa kópir salý jobasy iske asyp jatqanyn eske saldy.

«2022 jyldan beri respýblıkalyq bıýdjetten 15,7 mlrd teńge bólindi. 2025 jylǵy bıýdjet jobasynda taǵy 8,5 mlrd teńge qarastyrylǵan», - dedi ol.

Jaqynda óńir ákimi Abaı oblysy boıynsha jol sapasyn jaqsartýǵa qatysty jaýap bergen edi. 

Abaı oblysynyń avtomobıl joldarynyń uzyndyǵy — 6 832 shaqyrym (respýblıkalyq — 2 176, oblystyq — 1 593, aýdandyq — 3 063). Qazirgi ýaqytta respýblıkalyq mańyzy bar «Qalbataý-Maıqapshaǵaı» jáne «Taldyqorǵan-Qalbataý-Óskemen» baǵyttaryndaǵy avtomobıl joldaryn qaıta jańartý jumysy júrip jatyr. «Qazavtojol» aqparaty boıynsha «Taldyqorǵan-Qalbataý-Óskemen» jolynyń 85 paıyzy aıaqtaldy.