Semeıde jylytý maýsymyna daıyndyq qalaı júrip jatyr

SEMEI. QazAqparat – Abaı oblysynyń ákimi Nurlan Uranhaev Semeıdegi jylytý maýsymyna daıyndyq jumystarynyń barysyn tekserdi, dep habarlaıdy QazAqparat tilshisi.

Aımaq basshysy Semeı qalasynyń jylýmen jabdyqtaý nysandaryn aralap, jylý jelileriniń jaı-kúıin jáne jóndeý jumystarynyń barysyn tekserdi. Atap aıtqanda, P-1-den P-4-ke deıingi magıstraldyq jelini, Selevın kóshesindegi jylý jelisin, TsTP-401 jylý jelisin, JEO-1-den P-1-ge deıingi magıstraldyq ýchaskelerine bardy.

«Jylytý maýsymy jaqyndap keledi, jumys qarqynyn arttyrý qajet. Jumystyń belgilengen merzimde aıaqtalýy úshin árqaısyńyzǵa jeke jaýapkershilik júktelgenin taǵy da eske salamyn. Halyq ýaqytynda jylýmen qamtamasyz etilýi tıis», - dedi Nurlan Uranhaev.

Sondaı-aq ol tıisti bólimderge jergilikti jerlerdegi jumystardyń barysyn únemi tekserip otyrýdy tapsyrdy. Jylytý maýsymyna daıyndyq oblys ákiminiń jeke baqylaýynda.

Eske salsaq, osyǵa deıin Semeıde jylý qubyrlarynyń 68 paıyzy tozǵany habarlanǵan edi.