Semeıde «Jylý syıla» qaıyrymdylyq aktsııasy bastaldy
Qalalyq Aqparat ortalyǵynyń málimetinshe, aktsııanyń ótkizilýine «Zeket» qory men Qazaqstan Musylmandary dinı basqarmasy muryndyq bolyp otyr. Ondaǵy basty maqsat – muqtaj jandardy kómirmen jáne aǵash-otynmen qamtamasyz etý. Sebebi pandemııa kezinde turaqty tabysynan aıyrylǵan keıbir otbasylarǵa otyn alý qıynshylyq týǵyzǵan.
Osy ýaqytqa deıin turǵyndar tarapynan kómek suraǵandar az bolǵan joq. Muqtaj jandarǵa qol ushyn sozý maqsatynda osy aktsııany uıymdastyrdyq. Qıyn jaǵdaıǵa tap bolǵandarǵa kómektesýge nıet bildirgender bolsa osy aktsııaǵa atsalysýǵa shaqyramyz. Bul aktsııa jyl saıyn ótkizilýde. Búgingi tańda biz 10 tonna kómir jınadyq. Bir otbasyna 2-3 tonnadan kómir túsiriledi. Aldaǵy ýaqytta múmkindik bolsa ár januıaǵa 5 tonnadan úlestirýdi josparlap otyrmyz, - deıdi «Zeket» qorynyń múshesi, Semeı qalalyq ortalyq meshitiniń naıb ımamy Birjan Amanjolov.
Onyń aıtýynsha, bıyl júzge jýyq otbasyn kómirmen jáne aǵashpen qamtamasyz etý kózdelgen.