Semeıde jylý mekemesiniń jumysshylary 3 aı jalaqy almaǵan

SEMEI. QazAqparat - Semeılik «Jylýkommýnenergo» mekemesiniń jumysshylary 3 aıdan beri jalaqysyz otyr. Kásiporynnyń eńbekaqy boıynsha qaryz mólsheri búginde 245 mln teńgege jetken, dep habarlaıdy QazAqparat.  

Al mekemeniń jumysshylary aldyndaǵy qaryz turǵyndardyń jylýǵa bereshekti tólemeýinen týyndaǵan másele. Búginde jylýǵa qaryzy barlardyń somasy 400 mln teńgege jýyq. Onyń 80 paıyzy turǵyndarǵa tıesili. 

Arnaıy mamandardan quralǵan top boryshkerlerdiń úıin aralap, jaz boıy kúres júrgizdi.  Al qaryzdy qaıtarýdan bas tartqandarǵa qatań sharalar qoldanyldy. Degenmen tutynǵan jylý úshin bereshekterin tóleýge turǵyndar  áli de asyqpaıdy. Qarjy tapshylyǵynan mekeme jumysshylary  3 aı jalaqy almaǵan. Búginde jalpy qaryz mólsheri 245 mln teńgege jetken.

Jyl basynan beri qaryzy bar abonentterge bereshekti qaıtarý týraly eskertý jasalǵan. Al ony elemeı belgilengen ýaqytta qaryzdy qaıtarmaǵan boryshkerler jaryqtan ajyratyldy. «Jylýkommýnenergo» mekemesiniń abonenttermen jumys bóliminiń basshysy Gaýhar Jetpisbaevanyń aıtýynsha, boryshkerlermen jumys  áli de jalǵasýda.

Jylý mekemesiniń qyzmetkerleri 3 myńnan artyq turǵynnyń ústinen sotqa  shaǵym túsirgen. Sot qaýlysy shyqqannan keıin boryshkerlerdiń múlki tárkilenip, eńbek jáne zeınetaqysynan jylý  bereshegi óndirilýde. 

«Boryshkerlermen kúres jumystary jyl boıy jalǵasady. Biz qatań sharalardy qoldanýǵa májbúrmiz. Óıtkeni, kópshilik turǵyndar tutynǵan jylýǵa qaryzdy qaıtarýǵa asyqpaıdy. Endi jylýǵa aqshany 3 aıdan artyq tólemese  turǵyndar ret-retimen jaryqtan ajyratylady bolady»,-dedi Gaýhar Jetpisbaeva.