Semeıde jylý elektr ortalyǵyn salý jáne ınfraqurylymdy jańartý kerek - Toqaev

SEMEI. QazAqparat – Semeıde zamanaýı jylý elektr ortalyǵyn salý jáne ınfraqurylymdy jańartý máselesin qarastyrý kerek. Memleket basshysy Qasym-Jomart Toqaev Abaı oblysy jurtshylyǵymen kezdesýinde osyndaı tapsyrma berdi, dep habarlaıdy QazAqparat Aqordaǵa silteme jasap.

«Semeı qalasynyń ınfraqurylymy ábden tozǵan. Jazda ystyq sý joq, al qysta úıler jylynbaıdy. Qaladaǵy jylý elektr ortalyǵynan shyǵatyn zııandy qaldyqtar aýany shekten tys lastap jatyr. Bul máselelerdi túpkilikti sheshetin ýaqyt jetti.

Sondyqtan, Úkimetke ákimdikpen birlesip, Semeıde zamanaýı jylý elektr ortalyǵyn salý jáne ınfraqurylymdy jańartý máselesin qarastyrýdy tapsyramyn. Joba halyqtyń turmys sapasyna, sondaı-aq óńir ekologııasyna oń yqpalyn tıgizetini anyq», - dedi Prezıdent.